الشتاء الراحل __

,,

,

أبد مايزعل قليبي غيابك علها خيره

..... وابد ماني على شوفك أواعد قلبي الضامي

وابد ماابكي الفرقا ولاعيني بها حيره

..... ولاهي حالتــي حاله ولا قلــبي ابـد دامي

وخدها بشارتي صابروصبري زاهد بغيره

..... تخــبر ضلوعي تتعاون تـزيـــد الزاد لعظامي

يجيبك وقتي الجاحــد / نسايم شوق واحتاجك

تعال ارسم وسط عينـي حضورك وأتـبع الفرقى

ابي لأمن بكيتك شوق دموعي تجلب إحساسك

تعال ولـون الماضي / رمادي الوقــــت بـي يرقى

يزاحم صبحي وشمسه / وأزاحمهم على شانك

أغمض عيني لك ارحل / اعاتـبني وبك اشقى

لجـل ابكيـــــك وبحرقه / أعانق شهقة وصالك

تخيل قمت في غيابك / اناديـني ولك أبـقى

حبـيبي من متى وأنا /عيوني تحرس ابوابـك

ادورني لحن / لكن عجزت بدونك انت القى

نغم احساس يطربـــني وانا اللي ابكي غيابك

سقيتك روحي الضميا / ذبحني ضيم هالمسقى

جحود الشمس في صبحي / نتايج عشقي الهالك

مدامي أبكي أشواقك / وارض الضيم بي غرقــى

فصول العام مهجوره / وكلها صابـــــهـا غيابــك

وأنا يومي وصلتك قرب ...لقيتك تكتب الفرقى

هي للشتاء الراحل ... ولـ قلوبكم الباقيه

عبير راشد

.

.

أنفـــــــاس

لونرسم أنفاس الفرح في دفتر الذكرى تعيش
.................. لأن الشهيق أهو الصدى لـ أشواق و ارواح وقلوب

ولو نعزف حروف الحكي كان إنخلق للحرف ريش
.................. وطارت معانيه لــ سما من هالشمال لـ هالجنوب

ولو كان عمري هو بشر كنت ارتجي عقله يطيش
................... وألعب بـ عقلية طفل شمسه يخاصمها الغروب

ولو أنني أعلم لمى ... ماكان أجاوبني بــ ليش
..................... لامن ذكرتك أبتسم والدمعه من عيني تذوب

دامك إذا جاني الشتا ... ألقاك شمسن لي تعيش
.................. ودام إرتوائي طيبتك .. لاتحسبي ضلوعي غروب


انبت من ضلوعي وفا .. وأضلك وابقى بخيش
.................... لأن الذي يعطي وطن... مانسكنه إلا شعوب

أنت الأصم

أنت الأصم

تدري وش اكثر شي في نفسي ابغيه
........... إنك تود الشعر / تكتبه / تهوواااه

او تفهم المقصود في حرف أعنيه
............ لأمن لمحته / تفهمه دون ..تهجااااه

كل مأطرا لي حرف / اكتبه وارثيه
............. لأني كتبته لك ...ثم ضاع معنااااه

صار الضنين اللي من النفس ارجيه
........... وانته ابوه اللي.... توفى ..ولا جاااه

كنت أحسبك في مقبل الوقت تغليه
........... وأثر الغلا ( فطره) ..من الرب مُعطاه

انته الأصم اللي له الصوت أحكيه
............. وأرسم له إحساسي ..وبالعين أرعاه

ثمن تعاتب.. ليه صوتي أخليه..؟
............. لو هو فطين الصوت / ماقلت أبغاه

مافي بيميني كود حرفي أعليه

........... أرفع يمينك ...بـ أوسط القلب تلقاه

ياصـــــــاحبه ..

ياصاحبه لو شح في عرقك الدم
.............والله لـ أبتر من عروقي واعينك

عز الله أني اشتهي دونك الهــم
......................ياعلني فدوة مدى الكون عينك

كم في ضلوعي من ضلوعـك متم
.....................لامن بكيت الهم اسأل يا وينـك ؟

كني طفل ضايع يمسك طرف كم
..................ثم نـاظر بعينك ضمي ضنينيك

أدري لو اني بـ بسقي لقلبك السم
................عفتي حلا هـ الناس جيتي بـ حنينك

ياعلني افداك ياقلب هــ الأم
.....................وياروح أختك دنيتك ماتدينك

الكلمه الي من على طارف الفم

................ مافسرتها حــروفي هاتي قبلــة جـبينك

بقلم : عبير راشد